«Polšča mahła b vystavić Biełarusi jašče bolšy rachunak»
Da dyskusii pra dziejnaść Armii Krajovaj.
Pračytaŭ u №23 za hety hod pad rubrykaj «Palemika» ab biełaruskapolskich adnosinach. I voś vykazvaju svajo mierkavańnie. Sp. Anatol Sidarevič piša, što «AK zmahałasia … za Polšču ŭ miežach 1921 — h.zn. znoŭ žadała padzialić naš narod i našu krainu». A Stalin daŭ svabodu na terytoryi BSSR? Užo ŭ 1922—1924 hh. u Zachodniuju Biełaruś byli zakinutyja ŭzbrojenyja bandyckija hrupy na čale z Kiryłam Arłoŭskim i inšymi, jakija pravodzili šmat terarystyčnych dyviersijnych aktaŭ suprać miascovych polskich uład, siadzibaŭ sielskahaspadarčych ułaśnikaŭ, suprać prostych palicyjantaŭ i paštavikoŭ. Što, heta polski ŭrad ich spravakavaŭ?
A potym pačali aktyŭna raźvivać antypolskija padpolnyja hrupy (KPZB i inšyja), čyje aktyvisty atrymlivali hrošy ŭ savieckich konsulstvach, aktyŭna vystupali suprać palityčnaj ułady — za dałučeńnie da BSSR!
A kolki było zabita ci vysłana ŭ HUŁAH biełaruskich dziejačaŭ, intelihiencyi, prostych rabočych i sialan? Sotni tysiač, a dziasiatki tysiač ź ich zahinuli. Sidarevič piša, što, kab «była b tut (u BSSR) ułada biełaruskaja, AK hetak ža zmahałasia b ź joju». Kali b dy kaby — u sadzie vyraśli b hryby!
A na terytoryi Zachodniaj Biełarusi polski ŭrad nie pravodziŭ masavaha antybiełaruskaha teroru, sadžali samych aktyŭnych u łahier KartuzBiarozu, u jakim usiaho było tolki kala 5000 miescaŭ — heta dla ŭsioj Polščy ź jaje 38miljonnym nasielnictvam — na ŭkraincaŭ, biełarusaŭ, jaŭrejaŭ, palakaŭ razam ŭziatych.
Za piać hadoŭ isnavańnia ŭ łahiery zahinuli tolki dva čałavieki — jany pamierli ad chvarobaŭ u balnicy Bresta. A tyja, chto zhadžaŭsia padpisać damovu ab admovie ad palityčnaj dziejnaści suprać polskich uład, vyzvalalisia damoŭ pad nahlad miascovaj palicyi. A ci było takoje ŭ BSSR i SSSR?
U 1941 AK była aficyjna raspuščanaja, tamu terarystyčnyja dziejańni reštak padpolščykaŭ nie byli dazvolenyja polskim uradam…
Tak, polskija ŭłady ŭ 1925—1939 viali niapravilnuju palityku da biełarusaŭ i ŭkraincaŭ, čym, jak pravilna piša Sidarevič, skarystalisia padpolščyki i stalinskija dziejačy.
Čamu ž ciapier sučasnaja ŭłada Biełarusi aceńvaje AK z prasavieckich pazicyj? Bo Łukašenka ŭ svajoj zamiežnaj palitycy placiecca ŭ chvaście ciapierašniaj palityki Pucina, jaki pravodzić i antybiełaruski, i antypolski kurs.
Tak što Polšča mahła b pradjavić i Rasii, i Alaksandru Łukašenku jašče bolšy rachunak, čym Rasija i Biełaruś, ale ciapier heta ŭžo — historyja.