Sud «Łohvinaŭ suprać Mininfarmacyi» adbudziecca 18 listapada
Vydaviec sprabuje abskardzić pazbaŭleńnie jaho vydavieckaj licenzii.
Pačatak pasiedžańnia ŭ Vyšejšym haspadarčym sudzie Minska a 12-j hadzinie. Jano maje być adkrytym, paviedamiŭ Jeŭraradyjo art-dyrektar vydaviectva Pavieł Kaściukievič.
Adnosiny pamiž vydaŭcom Iharam Łohvinavym i Ministerstvam infarmacyi sapsavalisia ŭ kancy vieraśnia, kali Łohvinava pazbavili licenzii na vydavieckuju dziejnaść. U paviedamleńni, padpisanym namieśnicaj ministra Lilijajj Ananič, paviedamlałasia, što licenzija adklikanaja za parušeńni, źviazanyja z vychadam alboma «Pres-fota Biełarusi 2011». U krasaviku sud Ašmianskaha rajona pryznaŭ vydańnie ekstremisckim.
Vydaviec z pazicyjaj Mininfarmacyi nie zhodny. Ihar Łohvinaŭ ukazvaje na parušeńni, dapuščanyja čynoŭnikami, a taksama na absurdnaść abvinavačvańniaŭ.