Paviedamleńnie pra spynieńnie licenzii na vydavieckuju dziejnaść indyvidualny pradprymalnik Ihar Łohvinaŭ atrymaŭ 23 vieraśnia. Dakumient padpisała pieršaja namieśnica ministra infarmacyi Lilija Ananič, paviedamlaje sajt HA «BAŽ».
Licenzija adklikajecca nibyta «ŭ suviazi z dapuščanymi hrubymi parušeńniami zakanadaŭstva ab licenzavańni». Havorka idzie pra vypusk alboma «Pres-fota Biełarusi 2011», jaki sud Ašmianskaha rajona pryznaŭ ekstremisckim 18 krasavika 2013».
«My ličym, što pazbaŭleńnie licenzii adbyłosia niezakonna, sa šmatlikimi parušeńniami, i tamu my ŭžo nakiravali adpaviedny list ministru infarmacyi Alehu Pralaskoŭskamu», – łakanična kamientujuć padzieju ŭ vydaviectvie.
«Chaču źviarnuć uvahu i na toje, što pry razhladzie spravy ab pryznańni ekstremisckimi materyjałami alboma «Pres-fota-2011» vydaviectva naohuł nie było pryciahnuta da pracesu. A zaraz rašeńnie taho suda nazyvajuć padstavaj dla pazbaŭleńnia jaho licenzii, – padkreślivaje juryst Andrej Bastuniec. – U vypadku, kali ministerstva nie pierahledzić svajho rašeńnia, ja baču sudovy šlach vyrašeńnia hetaj sprečki».
Nikoli raniej nie było precedentaŭ, kab začyniali vydaviectva, kniha jakoj była pryznana ekstremisckaj. Zrešty, nikoli raniej taksama nie pryznavali ekstremizmam padborku najlepšych fatahrafij hoda, sabranuju aŭtarytetnym žury.
Hladzi taksama: Čym adroźnivajecca aficyjnaje fota ad «ekstremisckaha»
Ciapier čytajuć
Dzieviać čałaviek pamierli ŭ Breście i Minsku — usim im uvodzili adnyja i tyja ž leki. U preparacie znajšli bakteryi5
Kamientary