Byłaja dyrektarka cyrka T.Bandarčuk budzie vyzvalena ad kryminalnaj adkaznaści
Pra heta paviedamlaje BiełTA sa spasyłkaj na Śledčy kamitet.
«Hałoŭnym SU Śledčaha kamiteta Biełarusi zavieršana rasśledavańnie kryminalnaj spravy ŭ dačynieńni da byłoha dyrektara — mastackaha kiraŭnika dziaržaŭnaj vidoviščnaj ustanovy «Biełaruski dziaržaŭny cyrk». Pryčynienaja materyjalnaja škoda pakryta ŭ chodzie śledstva ŭ poŭnym abjomie. Kančatkovaje abvinavačvańnie pradjaŭlena ŭ złoŭžyvańni słužbovymi paŭnamoctvami (č.3 art.424 Kryminalnaha kodeksa Biełarusi)».
«Prymajučy pad uvahu aktyŭnaje supracoŭnictva abvinavačanaj sa śledstvam u častcy ŭstanaŭleńnia faktyčnych abstavinaŭ spravy, pryznańnie ŭłasnaj viny i ŭ suviazi z dobraachvotnym pakryćciom pryčynienaj škody i vypłataj prybytku, atrymanaha złačynnym šlacham, zajaŭlena chadajnictva ab vyzvaleńni jaje ad kryminalnaj adkaznaści pa padstavach, praduhledžanych artykułam 881 Kryminalnaha kodeksa Biełarusi», - raspaviali ŭ Śledčym kamitecie.