Vadzim Cituška razam z narodam vyjšaŭ na barykady
Sumna viadomy Vadzim Cituška byŭ zaŭvažany na barykadzie, jakaja achoŭvaje ŭ Biełaj Carkvy darohu na Kijeŭ.
Jak napisaŭ na svajoj staroncy ŭ Facebook žurnalist Vital Portnikaŭ: «Ciapier u Biełaj Carkvy na błok-pastu Jeŭramajdanu staić Vadzik Cituška — achoŭvaje darohu na Kijeŭ ad citušak», piša gazeta.ua
Žurnalist miarkuje, što hety prykład źmieny svaich pohladaŭ i maralnych kaštoŭnaściej, źjaŭlajecca «dasiahnieńniem revalucyi».
Praŭda, raniej Vadzim Cituška (jakoha ŭ mai 2012 h. abvinavacili ŭ napadzie na žurnalistku ŭ Kijevie i ad proźvišča jakoha pajšło najmieńnie «cituški» — bajeviki na baku režymu) nie raz vykazvaŭ padtrymku Jeŭramajdanu, ale kazaŭ, što nie budzie aficyjna padtrymlivać pratestoŭcaŭ, kab nie psavać ich imidž.