Na Viciebščynie dziela ekanomii ŭnačy hasiać lichtary
Pakul DAIšniki biehajuć ź flikierami za pjanicami, dajarkami dy moładździu z dyskatek, kab zrabić ludziej zaŭvažnymi ŭ ciemry, miascovyja ŭłady hetuju samuju ciemru zabiaśpiečvajuć.
Srodak ekanomii elektraenierhii vynajšli ŭ niekatorych rajvykankamach dy sielskich savietach Viciebskaj vobłaści. Tam pa načach vyklučajuć vuličnyja lichtary.
Vykryli niebiaśpiečnuju «ekanomiju» supracoŭniki DAI dy vielmi pakryŭdzilisia. Akazałasia, što pakul DAIšniki biehajuć ź flikierami za pjanicami, dajarkami dy moładździu z dyskatek, kab zrabić ludziej zaŭvažnymi ŭ ciemry, miascovyja ŭłady hetuju samuju ciemru zabiaśpiečvajuć.
Viciebskaja dziaržaŭtainśpiekcyja navat źniała na hetuju temu film».
Pa dadzienych milicyi, śviatło pa načach vyklučajuć u dzieviaci rajonach vobłaści, pryčym navat u tych nasielenych punktach, praź jakija prachodziać aŭtadarohi z ažyŭlenym rucham.
Achviaraj ekanomii takoha kštałtu ŭžo staŭ žychar vioski Staroje Ladna ŭ Lepielskim rajonie, jaki ŭ žniŭni trapiŭ pad mašynu dy atrymaŭ ciažkija paškodžańni mienavita z-za taho, što na vulicy nie hareli lichtary.