Deputaty pałaty pradstaŭnikoŭ spadziajucca na kanstruktyŭnaje raźvićcio padziej va Ukrainie
«Biełaruskija parłamientaryi vykazvajuć nadzieju, što padziei ŭ brackaj Ukrainie buduć raźvivacca ŭ kanstruktyŭnym rečyščy pry biezumoŭnym vykanańni pryncypaŭ viaršenstva zakona, pavahi pravoŭ i intaresaŭ usich hramadzian krainy».
Pra heta zajaviŭ staršynia pałaty pradstaŭnikoŭ nacyjanalnaha schodu Uładzimir Andrejčanka, adkryvajučy 2 krasavika ŭ Minsku čaćviortuju siesiju nižniaj pałaty piataha sklikańnia.
U Andrejčanki vyklikaje tryvohu toje, što situacyja ŭ śviecie, kala biełaruskich miežaŭ, «nie stanovicca bolš spakojnaj». «My nie možam być abyjakavymi da padziej va Ukrainie. Na praciahu mnohich stahodździaŭ biełaruski, ruski i ŭkrainski narody źviazvali ahulnaja historyja i kultura, parazumieńnie, imknieńnie da dobrasusiedskich adnosin, miru i zhody», — zajaviŭ śpikier. Jon vykazaŭ upeŭnienaść, što «hetyja kaštoŭnaści buduć i nadalej vyznačać raźvićcio adnosin pamiž našymi narodami».
Što da situacyi ŭ samoj Biełarusi, to, jak ličyć Andrejčanka, «vysnova vidavočnaja — narod padtrymlivaje ŭładu, jakaja robić usio, kab hramadzianie Respubliki Biełaruś žyli ŭ paśpiachovaj krainie, jakaja dynamična raźvivajecca, kamfortnaj dla pražyvańnia».