Francuzskaja kampanija razhladaje mahčymaść raspracoŭki ŭranavych radoviščaŭ va Ukrainie
Francuzskaja Areva zacikaviłasia sumiesnaj raspracoŭkaj uranavych radoviščaŭ va Ukrainie, paviedamiła pres-słužba ŭkrainskaha dziaržkancerna «Jadziernaje paliva».
Pavodle jaje, aktualnyja pytańni supracoŭnictva pamiž kampanijami ŭ śfiery jadzierna-paliŭnaha cykła abmiarkoŭvalisia ŭ Kijevie ŭ čaćvier.
«Dyrektar Areva pa Rasii i krainach SND Ludavik Devos paćvierdziŭ zacikaŭlenaść u sumiesnaj raspracoŭcy pierśpiektyŭnych uranavych radoviščaŭ, a mienavita mietadam śvidravin padziemnaha vyłuhavańnia, u jakim kampanija maje vialiki dośvied. Baki adznačyli, što aktualnym i cikavym dla raspracoŭki źjaŭlajecca Safonaŭskaje radovišča (Mikałajeŭskaja vobł.)», — havorycca ŭ paviedamleńni.
Areva zajmajecca raspracoŭkaj i vytvorčaściu abstalavańnia dla atamnaj enierhietyki i vytvorčaściu elektraenierhii z alternatyŭnych krynic.