Vorsin: Biełaruś znoŭ moža pretendavać na arhanizacyju ČS pa chakiei, ale nie raniej za 2020 hod
Biełaruś moža realna pretendavać na arhanizacyju jašče adnaho čempijanatu śvietu pa chakiei, zajaviŭ staršynia fiederacyi pa hetym vidzie sportu Jaŭhien Vorsin na pres-kanfierencyi ŭ Minsku 29 maja.
U toj ža čas, pavodle jaho słoŭ, heta mahčyma nie raniej za 2020 hod: čempijanaty 2015-2018 hadoŭ užo nabyli haspadaroŭ, a na pieršynstvo 2019 pretenduje vielmi surjozny kankurent Słavakija. «U nas jość čas padumać i ŭzvažyć usie šancy», — adznačyŭ Vorsin.
Miž tym, znachodziačysia na čempijanacie śvietu ŭ Minsku, prezident Mižnarodnaj fiederacyi chakieja Rene Faziel zajaviŭ, što praviadzieńnie suśvietnaha pieršynstva ŭ adnym horadzie źjaŭlajecca chutčej vyklučeńniem. IICHF vitaje arhanizacyju turniru takoha ŭzroŭniu ŭ roznych haradach i krainach, jak heta było ŭ 2012 i 2013 hadach u Finlandyi i Šviecyi i budzie ŭ 2017 hodzie ŭ Hiermanii i Francyi.
«Takaja zajava nie pamianšaje našy šancy, — ličyć Vorsin. — Čempijanat u roznych krainach bolš składana arhanizavać, čym u adnoj krainie i ŭ adnym horadzie. Akramia taho, adna z umoŭ — zbornaja pavinna hulać u top-dyvizijonie».