Dziaciej sa Słavianska pieravieźli ŭ Sievastopal
U Sievastopal u noč z 30 na 31 maja prybyli 148 dziaciej sa Słavianska ŭ supravadžeńni 25 darosłych.
Jak viadoma, samaabvieščanyja ŭłady Słavianska ŭ čaćvier sabrali dziaciej, kab vyvieźci ich z horada, pasadzili ŭ aŭtobusy, ale praz ŭkrainskija błokpasty jany nie prajšli.
Rasiejskija ŚMI raspaŭsiudzili infarmacyju pra toje, što aŭtobusy ź dziećmi nibyta abstralali ŭkrainskija siłaviki.
Hetuju infarmacyju paźniej abvierh kiraŭnik pres-centra ATA Uładzisłaŭ Sielaźnioŭ: «Čatyry vahony ź dziećmi ciahnikom pryjechali ŭ Krym. Ich sustreli važatyja».
Pavodle paviedamleńnia Hałoŭnaha ŭpraŭleńnia MNS Rasii pa horadzie Sievastopali, dziaciej raźmiaścili ŭ dziciačym azdaraŭlenčym łahiery «Radaść».