Biełarus 16 vjetnamcaŭ pieratvaryŭ u raboŭ, a zatym sprabavaŭ pierapravić ich za miažu
Zaviedziena kryminalnaja sprava za arhanizacyju niezakonnaj mihracyi i za vykarystańnie rabskaj pracy.
«Złačynstvy vyjavili pamiežniki Lidskaha pamiežnaha atrada, jakija zatrymali ŭ Lidskim rajonie miascovaha žychara 1966 hoda naradžeńnia. Jon arhanizavaŭ pieravozku z Maskvy 16 hramadzian Vjetnama 1985-1995 hadoŭ naradžeńnia dla dalejšaha pierachodu dziaržmiažy Biełarusi ŭ krainy Jeŭrasajuza, — paviedamiŭ pradstaŭnik USK pa Hrodzienskaj vobłaści Siarhiej Šaršanievič. — Taksama jon prymusiŭ hetych mihrantaŭ da pracoŭnaj ekspłuatacyi ŭ pieryjad ich znachodžańnia ŭ Lidskim rajonie».
Biełarus znachodzicca pad vartaj. Na jaho majomaść nakładzieny aryšt, u tym liku na dva aŭtamabili. Vjetnamcy pryciahnuty da administracyjnaj adkaznaści. Jany buduć departavanyja ź Biełarusi.