Dziaržsakratar ZŠA zaniepakojeny chadoj rasśledavańnia krušeńnia «Boinha»
Dziaržaŭny sakratar ZŠA Džon Kery zajaviŭ ab nieabchodnaści zabiaśpiečyć bieśpieraškodny dostup śledčaj hrupy da miesca padzieńnia małajzijskaha pasažyrskaha samalota na ŭschodzie Ŭkrainy. Kery vykazaŭ svaju pazycyju ŭ subotu ŭ telefonnaj razmovie ź ministram zamiežnych spravaŭ Rasiei Siarhiejem Łaŭrovym.
Kiraŭnik dyplamatyčnaha viedamstva ZŠA vykazaŭ asablivuju zaniepakojenaść u suviazi z paviedamleńniami ab tym, što pareštki kala trochsot achviaraŭ i abłomki samalota mahli apynucca pieramieščanymi abo pierajnačanymi.
Kery vykazaŭ Łaŭrovu zakłapočanaść u suviazi z adsutnaściu «naležnaha dostupu» naziralnikaŭ ABSE i členaŭ mižnarodnaj śledčaj hrupy da miesca padzieńnia samalota.
Ukraina abvinavaciła prarasiejskich separatystaŭ u sprobach parušyć niedatykalnaść achviaraŭ i rečavych dokazaŭ na miescy padzieńnia «Boinha».