U Biełaruś prylatuć Imagine Dragons
Samyja jaskravyja rok-zorki 2013 hoda pa viersii Billboard.
Kancert amierykanskaha indy-rok-hurtu projdzie 22 studzienia 2016 hoda na «Čyžoŭka-arenie» ŭ Minsku.
Imagine Dragons pryviazuć u Biełaruś svoj chitovy albom «Smoke + Mirrors», ź jakim daduć sotniu kancertaŭ u Paŭdniovaj i Paŭnočnaj Amierycy, Azii, Aŭstralii i Jeŭropie, a taksama vykanajuć staryja chity.
Kvitki na kancert kaštujuć ad 465 da 965 tysiač, nabyć ich možna ŭ kasach Kvitki.by.
***
Hurt Imagine Dragons byŭ utvorany ŭ 2008 hodzie ŭ štacie Juta. U 2010 hodzie pierabraŭsia ŭ Łas-Viehas i staŭ lepšym indy-hurtom stalicy kazino. U 2012 hodzie vydaŭ albom «Night Visions» sa svaim hałoŭnym chitom «Radioactive», za jaki atrymaŭ «Hremi» i 5 uznaharod Billboard Music Awards.