U «Ozasie» ŭ Vilni dola pakupnikoŭ ź Biełarusi składaje 87% ad ahulnaha liku zamiežnikaŭ
Defli.lt
Žychary Biełarusi pa-raniejšamu aktyŭna jeździać u stalicu Litvy ŭ šopinh-tury, z-za čaho ŭ vilenskija hipiermarkiety śpiecyjalna prymajuć na pracu ruskamoŭnych pradaŭcoŭ.
«Dola pradstaŭnikoŭ krain SND składaje ŭ nas kala 5% usich naviedvalnikaŭ. Bolšaść ź ich — hości ź Biełarusi. Kožny biełarus tracić na pakupki i pasłuhi ŭ siarednim ad 200 da 250 jeŭra», — raspavioŭ DW Česłavas Urbanavičus, kiraŭnik vilenskaha handlova-zabaŭlalnaha centra «Akropalis».
U handlovym centry «Ozas» dola biełaruskich turystaŭ jašče bolš — 7—8% ad usich pakupnikoŭ. A siarod zamiežnikaŭ amal 87% — hości ź Biełarusi, patłumačyła Inha Navickajcie, hienieralny dyrektar «Ozasa».
Pavodle jaje źviestak, siaredni ček biełarusaŭ u hetym handlova-zabaŭlalnym centry składaje ad 140 da 160 jeŭra. Rastučaja kolkaść biełaruskich pakupnikoŭ stała pryčynaj taho, što administracyja pavialičyła kolkaść rabotnikaŭ, dobra vałodajuć ruskaj movaj. Hetak ža pastupiła i kiraŭnictva «Akropalisa».