life:) pradstaviŭ tanny taryf dla piensijanieraŭ i invalidaŭ
14,4 tysiačy na miesiac i 10 tysiač biaspłatnych chvilin unutry sietki.
Mabilny apieratar life:) pradstaviŭ pakiet «Piensijny», pryznačany dla piensijanieraŭ, invalidaŭ usich hrup luboha ŭzrostu, vieteranaŭ bajavych dziejańniaŭ i likvidataraŭ Čarnobylskaj avaryi.
Abanienckaja płata składzie 14 400 rubloŭ na miesiac. Za hetyja hrošy štomiesiac dajucca 10 tysiač biaspłatnych chvilin u sietcy life:). Telefanavańni na inšyja sietki kaštujuć 540 rubloŭ na chvilinu, SMS — 300 rubloŭ.
Praŭda, 1 Mb mabilnaha internetu abydziecca ŭ 2220 rubloŭ.
Padklučeńnie pakietu kaštuje 18 tysiač (ź ich 3 600 zastaniecca na rachunku pa aktyvacyi). Pry padklučeńni treba pradjavić paśviedčańnie asoby i dakumient, što dakaža prynaležnaść da vyšej nazvanych katehoryj.
Čytajcie taksama: life:) padvysić taryfy 22 červienia