Eduard Švarc. Biełaruskaja mova (vierš)
Dziakuj tabie, biełaruskaja mova.
Ty, jak matula, zaŭsiody sa mnoj.
Znoŭ u rasstańni i kožnaje słova —
radaść sustrečy z taboj i ziamloj.
Doŭha adzin ja pa śviecie badziaŭsia,
inšyja movy karmili mianie.
Serca čakała i nočču źjaŭlaŭsia
volny najeźnik na biełym kanie.
Mova, prabač. Ja ŭ rodnaj dziaržavie
žyŭ, tolki dumaŭ na movie čužoj,
ty była pobač, ale nie pry spravie —
cichaj prysłuhaj u chacie svajoj.
Słaŭlu, jak syn, biełaruskuju movu.
Boh daŭ narodu jaje — spadaru.
Ja sustrakaju śvitanak ź luboŭju:
Mova žyvie, i žyvie Biełaruś.
28.06.2015,
h. Zalćviedel, Hiermanija.