Piać krain źviarnulisia ŭ AAN z prośbaj stvaryć trybunał pa MH-17
Aŭstralija, Bielhija, Małajzija, Niderłandy i Ukraina aficyjna źviarnulisia ŭ Radu Biaśpieki AAN z prośbaj stvaryć mižnarodny kryminalny trybunał dla pryciahnieńnia da adkaznaści vinavatych u katastrofie samalota «Małajzijskich avijalinij» nad Danbasam 17 lipienia 2014 hoda.
Pra heta havorycca ŭ paviedamleńni ŭkrainskaha pradstaŭnictva pry AAN.
Pasažyrski samalot byŭ źbity nad Danieckaj vobłaściu 17 lipienia 2014. Na dumku ekśpiertaŭ, sudna źbili z rasijskaj ŭstanoŭki «Buk», jakaja kiravałasia ekipažam rasijskich vajskoŭcaŭ.
Suprać stvareńnia trybunała vystupaje Rasija, choć jana i abvinavačvaje ŭ katastrofie ŭkrainskich vajskoŭcaŭ.