Viarchoŭny sud u zakrytym režymie razhladaje dakumienty ab majomaści siamji byłoha kiraŭnika Biełkaapsajuza Sidźko
23 lipienia ŭ Viarchoŭnym sudzie Biełarusi na pracesie pa spravie ab karupcyi ŭ Biełkaapsajuzie sudździa Uładzimir Puciła zadavoliŭ chadajnictva dziaržaŭnaha abvinavaŭcy Anatola Miacielskaha pra razhlad u zakrytym režymie dakumientaŭ ab majomaści siamji byłoha kiraŭnika Biełkaapsajuza Siarhieja Sidźko.
Pavodle słoŭ dziaržabvinavaŭcy, hetyja materyjały pastupili na jaho adras z KDB niadaŭna i majuć hryf «dla słužbovaha karystańnia».
Vyvučyŭšy padadzienyja bokam abvinavačańnia dakumienty, svajo rašeńnie sudździa matyvavaŭ tym, što jany ŭtrymlivajuć źviestki, jakija nie padlahajuć raskryćciu, u pryvatnaści bankaŭskuju tajnu.
Byłomu kiraŭniku Biełkaapsajuza vystaŭlenaje abvinavačańnie ŭ atrymańni chabaru i va złoŭžyvańni ŭładaj na padstavie č. 3 art. 430 i č. 3 art. 424 KK.