Ministr zamiežnych spraŭ Łatvii: Kazki pra straty ad sankcyj — rasijskaja prapahanda
Paviedamleńni ŭ ŚMI ab stratach, jakija niasuć krainy ES z-za sankcyj źjaŭlajecca častkaj infarmacyjnaj prapahandy RF.
Pra heta zajaviŭ ministr zamiežnych spraŭ Łatvii Edhar Rynkievičs u intervju Delfi.lv.
«Hetyja strašyłki my čujem užo bolš za hod: «Łatvija bolš za ŭsio pacierpić ad sankcyj», «VUP upadzie na 20%», «Straty buduć aceńvacca ŭ miljardach», — adznačyŭ jon.
Adnak, pa słovach ministra, statystyka i ekanamičnyja pakazčyki ŭsie hetyja zdahadki abviarhajuć.
«Ja aceńvaju takija paviedamleńni ŭ ŚMI jak častku infarmacyjnaj prapahandy, meta jakoj — pachisnuć pryncypovuju pazicyju Łatvii», — skazaŭ Rynkievičs.
Na jaho dumku, miascovy biźnies pavinien pieraaryjentavacca na inšyja rynki, pakolki pracavać tolki z adnym partnioram - nienadziejna.
Niahledziačy na dramatyčnyja prahnozy rasijskich ŚMI, sankcyi i kontrsankcyi Rasii praktyčna nijak nie adbilisia na ekanamičnych pakazčykach krain Jeŭrasajuza. Jany pieraaryjentavali płyni kapitału i pastaŭki sielhaspradukcyi na inšyja krainy.