U Kijevie demanstranty šturmavali Viarchoŭnuju Radu, pratestujučy suprać asablivaha statusu Danbasa. Kinuli hranatu, 120 paranienych, adzin zahinuły
Kala budynka Viarchoŭnaj rady ŭ Kijevie prajšli sutyknieńni milicyi i demanstrantaŭ. Bolš za try tysiačy mitynhoŭcaŭ pratestavali suprać nadańnia Danbasu asablivaha statusu ŭ ramkach zakona ab decentralizacyi ŭłady.
«U vajskoŭcaŭ, jakija achoŭvajuć Viarchoŭnuju Radu, była kinuta bajavaja hranata. Niekalki vajskoŭcaŭ Nacyjanalnaj Hvardyi atrymali ciažkija ranieńni. Ich žyćcio ŭ niebiaśpiecy», — napisaŭ na svajoj staroncy ŭ fejsbuku narodny deputat Ukrainy ad «Narodnaha frontu» Anton Hieraščanka.
Jak paviedamiŭ na svajoj staroncy ŭ fejsbuku ministr unutranych spraŭ Arsien Avakaŭ, ranieńni atrymali 90 čałaviek.
«Kala 90 paranienych pad Radaj u tym liku niekalki čałaviek u ciažkim stanie. Heta vynik kinutych niekalkich vybuchovych pryład z boku ludziej u futbołkach partyi «Svabody», što ŭčynili bojku z Nachvardyjaj pad VR», — napisaŭ Avakaŭ.
Ź ciaham času kolkaść paranienych vyrasła da 120.
Pa słovach ministra, siarod paranienych bolš za 15 bajcoŭ, jakija byli na froncie: «Čaćviora bajcoŭ ź vielmi ciažkimi traŭmami vačej, žyvata, šyi i noh».
Paviedamlajecca, što małady čałaviek, jaki kinuŭ hranatu, zatrymany.
Mer Kijeva Vital Kličko zajaviŭ, što zahinuŭ adzin milicyjant. Vajennasłužačy Nacyjanalnaj hvardyi pamior u balnicy ad askołka hranaty, jaki trapiŭ u serca. Avakaŭ paćvierdziŭ hetuju infarmacyju.
Pratest kala Viarchoŭnaj Rady skončany, pratestoŭcy razychodziacca.
Momant kidańnia hranaty na adznacy 01:08