BIEŁ Ł RUS

U Finlandyi demanstranty zakidali aŭtobus ź biežancami fajerami i kamianiami

25.09.2015 / 12:32

U Łachci demanstranty zakidali aŭtobus ź biežancami fajerami i kamianiami. Akcyja pratestu pačałasia paśla taho jak raspaŭsiudziłasia infarmacyja ab tym, što na terytoryi byłoj kazarmy ŭ Chienała raźmieściać prośbitaŭ prytułku z Tornia.

U aŭtobusie znachodziłasia 49 prośbitaŭ prytułku, u tym liku, siemji ź dziećmi.

Pratestoŭcy kidali kamiani taksama ŭ rabotnikaŭ Čyrvonaha Kryža. Nichto nie paciarpieŭ.

Adzin z demanstrantaŭ byŭ apranuty ŭ biełaje adzieńnie, padobnaje na kaścium člena Ku-Kłuks-Kłana.

U suviazi ź incydentam palicyja zatrymała adnaho čałavieka.

Premjer-ministr Jucha Sipila (Centr), ministr finansaŭ Alaksander Stub (Kaalicyjnaja partyja) i ministr zamiežnych spraŭ Cima Sojni («Praŭdzivyja finy») asudzili padziei ŭ Łachci. Kiraŭniki hałoŭnych partyj u rezkich vyrazach asudzili hvałt i pahrozy.

Čytajcie taksama:

Kamientary da artykuła