Prarasijskaj apazicyi ŭdałosia pavalić urad Stralca ŭ Małdovie
Premjer-ministr Małdovy Valeryu Stralec adpraŭleny ŭ čaćvier u adstaŭku. Za hetaje rašeńnie prahałasavali 64 deputata ad frakcyj kamunistaŭ, sacyjalistaŭ i demakrataŭ.
Inicyjatyva ab votumie niedavieru ŭradu była ŭniesienaja apazicyjnymi frakcyjami kamunistaŭ i sacyjalistaŭ.
Apazicyi brakavała hałasoŭ dla vyniasieńnia votumu niedavieru. Reštu hałasoŭ kamunistam i sacyjalistam zabiaśpiečyła Demakratyčnaja partyja, jakaja adlustroŭvaje intaresy bujnoha biznesu.
U kiraŭničym Aljansie za jeŭrapiejskuju intehracyju, u jaki ŭvachodzili Libierał-demakratyčnaja partyja (ŁDPM), Demakratyčnaja partyja (DPM) i Libieralnaja partyja (ŁP), paŭstali kanflikty paśla taho, jak ź lidera ŁDPM Uładzimira Fiłata była źniataja deputackaja niedatykalnaść. Jaho padazrajuć u pasiŭnaj karupcyi i datyčnaści da vyvadu bujnoj hrašovaj sumy ź finansava-bankaŭskaj sistemy krainy.