Paŭtarahadovy chłopčyk u Brazilii znajšoŭ u dvary jadavituju źmiaju i zahryz jaje naśmierć
U brazilskim horadzie Mastardas chłopčyk Łarenca, jakomu spoŭniłasia ŭsiaho 17 miesiacaŭ, znajšoŭ u dvary svajho doma jadavituju źmiaju i zakusaŭ jaje da śmierci, paviedamlaje Latin American Herald Tribune.
Maci dziciaci raskazała, što vyjšła na vulicu i ŭbačyła syna, jaki trymaŭ u rocie jašče žyvuju reptyliju. Na rukach i vusnach dziciaci była kroŭ. Kab prymusić chłopčyka adpuścić źmiaju, žančynie daviałosia paklikać muža.
Baćki śpiešna dastavili chłopčyka ŭ lakarniu, ale daktary nie vyjavili ŭ jaho simptomaŭ atručeńnia.
Pavodle dadzienych vydańnia, dom siamji raźmiaščajecca ŭ haradskim rajonie, dzie źmiei źjaŭlajucca vielmi redka. Pavierchnia dvara była zalitaja cemientam.