U Minsku taksist dastaviŭ pasažyraŭ-narkamanaŭ u adździaleńnie milicyi
«Dvuch chłopcaŭ aŭtamabil taksi vioz sa staličnaha restarana chutkaha charčavańnia, — raspaviali ŭ RUUS Centralnaha rajona. — Padčas pajezdki pasažyry viali siabie nieadekvatna, zapeckali ježaj sałon aŭtamabila. Kiroŭca prapanavaŭ chłopcam apłacić pasłuhi chimčystki, na što atrymaŭ admovu ŭ hrubaj formie».
Tady taksist zamiest adrasa, jaki nazvali pasažyry, advioz ich u adździaleńnie milicyi, dzie vyśvietlili, što maładyja ludzi znachodziacca ŭ stanie narkatyčnaha apjanieńnia. Pry ich vyjavili try skrutki ź biełym paraškom i skrutak z hrašovaj kupiury z napłastavańniem parašku. Ekśpiertyza pakazała, što ŭ skrutku znachodziłasia asabliva niebiaśpiečnaje psichatropnaje rečyva.
Zatrymanymi byli pryjacieli ź Minska 16-ci i 18-ci hadoŭ. 16-hadovy małady čałaviek užo byŭ asudžany za niezakonny abarot narkatyčnych srodkaŭ, jaho 18-hadovy siabar — za chulihanstva.
U dačynieńni da maładych ludziej zaviedziena kryminalnaja sprava za niezakonny abarot narkatyčnych srodkaŭ i psichatropnych rečyvaŭ, im pahražaje pakarańnie da 5 hadoŭ pazbaŭleńnia voli.