Zaćvierdžany śpis kandydataŭ na pasadu prezidenta FIFA
Mižnarodnaja fiederacyja futbolnych asacyjacyj zaćvierdziła finalny śpis ź piaci kandydataŭ, jakija buduć pretendavać na pasadu prezidenta FIFA.
U kančatkovy śpis kandydataŭ uvajšli šejch Bachrejna Sałman Ibrahim, prync Iardanii Ali Chusejn, Žerom Šampań z Francyi, Džani Infancina ź Italii i Tokio Seksvale z Paŭdniovaj Afryki.
Vybary kiraŭnika mižnarodnaj fiederacyi futboła adbuducca 26 lutaha. Jany projduć z dapamohaj tajnaha hałasavańnia.
Dla pieramohi ŭ pieršym tury nieabchodna nabrać dźvie traciny hałasoŭ, u druhim — 50% plus adzin hołas.
Były kiraŭnik FIFA, 79-hadovy Zep Błater byŭ adchileny ad pasady vosieńniu 2015 hoda na fonie bujnoha karupcyjnaha skandału.