Łabrador u kabinie hruzavika spravakavaŭ avaryju na zapraŭcy ŭ Miniesocie
U štacie Miniesota adbyłasia niezvyčajnaja avaryja: ciahač z paŭpryčepam biez kiroŭcy najechaŭ na druhi aŭtamabil i dreva na zapraŭcy ŭ horadzie Mankiejta, paviedamlaje KMSP.
Vidavočca zdareńnia zaŭvažyła, što z akna hruzavika vyhladaje łabrador-retryvier, pry hetym ludziej u kabinie ŭ momant avaryi nie było.
Palicyja vyśvietliła, što kiroŭca adyšoŭ u kramu, kali sabaka niejkim čynam pieraklučyŭ pieradaču na zaviedzienaj mašynie. Paśla hetaha hruzavik pakaciŭsia ŭ bok zapraŭki i dziakujučy sutyknieńniu ź lehkavym aŭtamabilem i drevam spyniŭsia ŭ niekalkich mietrach ad kałonak z palivam.
Padčas incydentu nichto nie paciarpieŭ, pravaachoŭniki vyśviatlajuć abstaviny zdareńnia.
Photo: David Stegora/Facebook