Palityčny kryzis u Brazilii: sud admoviŭsia zamarozić praceduru impičmientu prezidentu
Impičmient moža być vyniesieny ŭžo ŭ hetu niadzielu.
NY Times
Viarchoŭny sud Brazilii admoviŭ hienprakuratury ŭ prośbie prypynić hałasavańnie ŭ nižniaj pałacie parłamienta pa adchileńni ad pasady prezidenta Dyłmy Rusef.
Hienieralny prakuror Brazilii Žaze Eduardu Kardozu prasiŭ sud zamarozić pryznačanaje na niadzielu hałasavańnie, spasyłajučysia na pracesualnyja parušeńni.
Dla adchileńni prezidenta ad pasady za impičmient pavinny prahałasavać 342 deputaty — dźvie traciny členaŭ nižniaj pałaty parłamienta.
Kali rašeńnie ab impičmiencie budzie pryniata, to sienat krainy zatym pavinien budzie vyrašyć, ci nie treba sudzić Rusef za nievykanańnie zakonaŭ ab biudžecie. Parłamient abvinavačvaje Rusef u tym, što jana skažała źviestki pra biudžet krainy pierad vybarami 2014 hoda.
U vypadku takoha raźvićcia padziej užo ŭ pačatku maja Rusef na jaje pasadzie pavinien źmianić vice-prezident Brazilii Mišel Temier.
Papularnaść Rusef rezka pajšła ŭniz na fonie ekanamičnaha kryzisu ŭ Brazilii i karupcyjnaha skandału.
U sakaviku ŭ krainie prajšli šmattysiačnyja akcyi pratestu. Šturšok im dało pryznačeńnie eks-prezidenta Brazilii Łuisa dy Siłvy, jaki abvinavačvajecca ŭ karupcyi, na pasadu kiraŭnika administracyi Rusef.
Zaraz kaalicyju pakidajuć partyi, jakija raniej padtrymlivali Rusef.
Sama prezident adchilaje ŭsie abvinavačańni. Na jaje dumku, apazicyja damahajecca dziaržaŭnaha pieravarotu ŭ Brazilii.