U Łunincy dvoje chłopcaŭ katavali tavaryša
Dvoje 28-hadovych žycharoŭ Łuninca padazrajucca ŭ niezakonnym pazbaŭleńni voli i asabliva złosnym chulihanstvie.
9 krasavika, kala 12.00, dvoje 28-hadovych žycharoŭ Łuninca pili ŭ domie ŭ svajho znajomaha. Padčas raśpivańnia jany źmiaścili 47-hadovaha haspadara ŭ sklep. Zatym mužčyny vylili na paciarpiełaha niekalki viodraŭ chałodnaj vady, źniali z haspadara doma vopratku, razahretym prasam pryčynili apioki ŭ vobłaści śpiny i ŭdaryli plaškaj pa hałavie.
Milicyi stała viadoma pra heta na nastupny dzień, kali paciarpieły źviarnuŭsia da miedykaŭ. Sa słoŭ mužčyny, jon bajaŭsia raspavieści pra vypadak. Ciapier jon u balnicy z apiokami roznaj stupieni ciažkaści.
«Łuninieckim rajonnym adździełam Śledčaha kamiteta Respubliki Biełaruś pa hetym fakcie zaviedziena kryminalnaja sprava pa č. 1 art. 183 KK («Niezakonnaje pazbaŭleńnie voli») i č. 3 art. 339 KK («Asabliva złosnaje chulihanstva»). Kančatkovaja kvalifikacyi budzie dadziena pa vynikach sudova-miedycynskaj ekśpiertyzy pa vyznačeńni stupieni ciažkaści cialesnych paškodžańniaŭ», — paviedamili ŭ abłasnym upraŭleńni Śledčaha kamiteta.
Adzin z padazravanych u ździajśnieńni złačynstva zatrymany. 16 krasavika jaho ŭziali pad vartu, a 19 krasavika pradjavili abvinavačvańnie. Miescaznachodžańnie druhoha mužčyny vyśviatlajecca.