31-hadovaha švieda pryznali najlepšym samielje ŭ śviecie
Jon Arvid Rasienhren sa Šviecyi staŭ pieramožcam konkursu najlepšych samielje śvietu, jaki zaviaršyŭsia ŭ Arhiencinie. U finale jon abyšoŭ pradstaŭnikoŭ Francyi.
Reuters.com
U arhiencinskim horadzie Miendoza zaviaršyŭsia konkurs najlepšych samielje śvietu, pieramožcam jakoha staŭ 31-hadovy švied Jon Arvid Rasienhren.
Rasienhren pracuje ŭ ńju-jorkskim restaranie Charlie Bird. Raniej jon užo stanaviŭsia pieramožcam prestyžnych konkursaŭ samielje. U 2009 hodzie jon byŭ pryznany najlepšym samielje paŭnočnych krain, u 2010-m stanaviŭsia najlepšym vinnym śpiecyjalistam Šviecyi, u 2013 hodzie byŭ pryznany najlepšym u Jeŭropie.
«Ja vielmi ździŭleny. Finał byŭ vielmi žorstkim», — skazaŭ Rasienhren paśla ŭznaharodžańnia.
Pieramoha pradstaŭnika Šviecyi nie stała niečakanaściu dla hledačoŭ — hetaja skandynaŭskaja kraina źjaŭlajecca adnoj ź viadučych u śviecie samielje.
Usiaho ŭ konkursie pryniali ŭdzieł 60 samielje z 58 krain śvietu. U lik 15 finalistaŭ ŭvajšli niekalki pradstaŭnikoŭ skandynaŭskich krain, 37-hadovaja arhiencinka Pas Levinsan, francuz David Biro, a taksama Žuli Dziupiui — uradženka Francyi, jakaja vystupała za Irłandyju.
U finale samielje pavinny byli prademanstravać svajo majsterstva ŭ padačy vinaŭ, dehustacyi i hastranamii, pakazać viedy pa vinnaj hieahrafii, vytvorčaści napoju i asablivaściach spažyvańnia roznych hatunkaŭ.
Konkurs najlepšych samielje śvietu pravodzicca Mižnarodnaj asacyjacyjaj samielje raz u niekalki hadoŭ z 1969 hoda. Pradstaŭnik Šviecyi stanaviŭsia jaho łaŭreatam u 2007 hodzie.