Na 42-m hodzie žyćcia pamior akcior biełaruskaha pachodžańnia Dźmitryj Miron
Na 42-m hodzie žyćcia pamior rasijski akcior Dźmitryj Miron. Jon źniaŭsia ŭ filmie «Harpastum», a taksama telesieryjałach «Karmielity», «Marasiejka, 12», «Śled» i «Advarotny bok miesiaca»
kino-teatr.ru
Akcior Dźmitryj Miron pamior va ŭzroście 41 hoda. Pra heta paviedamiła na svajoj staroncy ŭ fejsbuku pradziusar Iryna Apiaksimava.
«Viedaju, što Dzima pamior siońnia ranicaj u Ałma-Acie ŭ balnicy, jon tam pracavaŭ apošnija 2 hady. Padrabiaznaściaŭ nie viedaju», - napisała jana.
Dźmitryj Miron naradziŭsia 19 krasavika 1975 hoda ŭ Minsku.
Jon skončyŭ Dziaržaŭny instytut teatralnaha mastactva ŭ Maskvie ŭ 1999 hodzie. Paśla zakančeńnia instytuta Miron pracavaŭ u teatry Rasijskaj armii da 2002 hoda. Zatym Iryna Apiaksimava zaprasiła jaho pryniać udzieł u śpiektakli «Karmen» u pastanoŭcy Ramana Vikciuka. Z tych časoŭ Miron pracavaŭ u pradziusierskim centry Apiaksimavaj.