Mužčyna, jaki zachapiŭ zakładnikaŭ u kinateatry ŭ Hiermanii, zabity palicyjaj
abnoŭlena
Uzbrojeny mužčyna, jaki napaŭ na kinateatr i adkryŭ ahoń, zabity palicejskimi, paviedamiŭ ministr unutranych spraŭ ziamli Hiesen Pieter Bojt.
Uzbrojenaja palicyja amal adrazu ž ačapiła kinateatr. Fota Getty
Nieviadomy mužčyna napaŭ na naviedvalnikaŭ kinateatra ŭ niamieckim horadzie Firnchajm, što ŭ ziamli Hiesen na zachadzie Hiermanii.
Paviedamlajecca, što bolš za 20 čałaviek majuć patrebu ŭ miedycynskaj dapamozie, šmat chto ŭ suviazi z tym, što atrymali atručeńnie ślozatačyvym hazam.
Pavodle dadzienych Bild, uzbrojeny mužčyna ŭvajšoŭ u kinateatr Kinopolis u handlovym centry. U rukach u jaho byŭ pistalet, a na plačy — patrantaš.
Jon streliŭ u pavietra, paśla čaho ŭ kinateatry pačałasia panika, i ludzi sprabavali pakinuć budynak.
Kinateatr byŭ ačepleny palicyjaj.
Miascovaja presa paviedamlaje, što ŭzbrojeny mužčyna ŭvajšoŭ u kinateatr kala troch hadzin dnia pa miascovym časie.
Frankfurter Allgemeine piša, što pakul niezrazumieła, ci byŭ napad ździejśniena ź ideałahičnych mierkavańniaŭ, ci ž havorka idzie pra niaŭdałaje rabavańnie.