Aŭstralijec vyjhraŭ u łatareju kurort na vyśpie ŭ Cichim akijanie
Aŭstralijec z Novaha Paŭdniovaha Uelsa vyjhraŭ u łatareju kurort na vostravie Kasrae ŭ Cichim akijanie, kupiŭšy kvitok za 49 dalaraŭ. Pra heta paviedamlaje The Guardian.
Michele Falzone / Jon Arnold Images RM
Uładalnik vyjhryšnaha bileta pa imieni Džošua atrymaŭ va ŭłasnaść nieruchomaść, nie abciažaranuju daŭhami, z arendaj ŭčastka na 20 hadoŭ.
Hatelny kompleks Nautilus Resort ŭjaŭlaje saboj adnapaviarchovyja bunhała z 16 numarami, restaranam, basiejnam i plažam. Jon raźmieščany niedaloka ad horada Tofał, stalicy štata Kasrae, i staražytnych ruin Lelju - hałoŭnaj słavutaści vyspy.
Kurort byŭ stvorany siamiejnaj paraj z Aŭstralii ŭ 1994 hodzie. Niekatory čas tamu Dah i Sali Bejc vyrašyli viarnucca na radzimu i źbiralisia pazbavicca nieruchomaści. Ale adzin ź ich synoŭ prapanavaŭ zładzić łatareju, i dziasiatki tysiač kvitkoŭ byli pradadzienyja pa ŭsim śviecie.