Turčynaŭ nazvaŭ zajavu FSB «isteryčnaj i brachlivaj»
Sakratar Rady nacyjanalnaj biaśpieki i abarony Ukrainy Alaksandr Turčynaŭ zapiarečyŭ zajavie FSB Rasii ab nibyta napadzie ŭkrainskich vajskoŭcaŭ na Krym i sprobie zładzić tam terakt.
Pra heta havorycca ŭ paviedamleńni RNBA.
«Isteryčnaja i brachlivaja zajava Fiederalnaj słužby biaśpieki RF nie maje nijakich padstaŭ, akramia sprob akupantaŭ nahniatać i abvastrać situacyju na časova zachoplenych ŭkrainskich terytoryjach», — zajaviŭ Turčynaŭ.
Pavodle jaho słoŭ, za apošni hod nivodzin supracoŭnik Hałoŭnaha ŭpraŭleńnia raźviedki Ministerstva abarony Ukrainy nie byŭ zatrymany na akupavanaj terytoryi Kryma.
«Hetaje pravakacyjnaje tryźnieńnie FSB źjaŭlajecca elemientam hibrydnaj vajny, jakuju viadzie Rasija suprać našaj krainy», — dadaŭ jon.
Jak viadoma, u sieradu rasiejskaja FSB raspaŭsiudziła zajavu ab nibyta dźviuch sprobach ukrainskich vajskoŭcaŭ napaści na Krym i zładzić tam terakty, padčas jakich zahinuli rasijski vajskoviec i bajec FSB.
Ukrainski Hienštab nazvaŭ hetyja zajavy pravakacyjaj.