Suprać paŭstancaŭ u Alepa znoŭ vykarystali chimičnuju zbroju, daktary horada prosiać Abamu ŭmiašacca
Nie paviedamlajecca, chto staić za chimičnaj atakaj, adnak paciarpieli žychary rajonaŭ, padkantrolnych partyzanam.
Hałoŭny doktar špitala ŭ Alepa Chamza Chacib raspavioŭ Reuters, što ŭ balnicu z terytoryi, jakuju kantralujuć paŭstancy, dastavili paciarpiełych z prykmietami atručvańnia chłoram.
Paviedamlajecca, što čatyry čałavieki zahinuli, 55 atrucilisia. Jašče 7 dahetul znachodziacca na lačeńni.
U paciarpiełych nazirajucca prykmiety atručvańnia chłoram — abciažaranaje dychańnie.
U špitali ŭziali ŭzory adzieńnia paciarpiełych dla analizu.
U Siryjskim centry manitorynhu za vykanańniem pravoŭ čałavieka zajavili, što viertaloty skidali bomby na rajony Siejl-al-Daŭła (Seif al Dawla) i Zubdzija (Zubdiya), jakija ŭtrymlivajuć paŭstancy.
Taksama pra hazavyja bomby, skinutyja na Alepa, raspaviali ŭ Siryjskaj hramadzianskaj abaronie.
Raniej bajevikoŭ IDIŁ abvinavacili ŭ maštabnych chimičnych atakach u Iraku.
Daktary Alepa, źviarnulisia da prezidenta ZŠA Baraka Abamy z prośbaj ab dapamozie. Pra heta piša Bi-Bi-Si.
List da prezydenta Złučanych Štataŭ padpisali 29 lekaraŭ. Jany śćviardžajuć, što kali ataki na horad praciahnucca z toj ža siłaj na praciahu miesiaca, to ŭ im nie zastaniecca nikoha. Jany zaklikali Abamu ŭvieści biespalotnuju zonu nad horadam.
«My nie majem patrebu ŭ ślazach, spahadzie ci malitvach: my adčajna majem patrebu ŭ svabodnaj ad bambardzirovak zonie va ŭschodniaj častcy Aleppo, a taksama ŭ mižnarodnaj padtrymcy, dla taho kab horad nie byŭ abłožany znoŭ», — havorycca ŭ liście.