Inavacyjnaja łabaratoryja Wargaming anansavała novuju hulniu
«Inavacyjnaje» padraździaleńnie kampanii Wargaming — WG Labs — anansavała vychad kampjutarnaj ekšn-hulni Hybrid Wars. Staronka prajekta źjaviłasia na servisie Steam.
«U Hybrid Wars hulec stanovicca najomnym sałdatam i prymaje ŭdzieł u hłabalnym supraćstajańni, — apisvajuć prajekt jaho stvaralniki. — Raznastajnaść bajavych mašyn i ryštunku dazvalaje vykarystoŭvać roznyja taktyki pry vykanańni misij, a futurystyčny sietynh i hibrydnaja vajna va ŭmovach technałahičnaj revalucyi tolki abvastrajuć baraćbu za vyžyvańnie».
Hybrid Wars daść na vybar troch roznych piersanažaŭ, kožny sa svaimi charaktarystykami i historyjaj. Vykarystoŭvać hierojaŭ možna budzie ŭ miežach adzinočnaj kampanii i ŭ multypłejernych režymach.
Novaja hulnia raspracoŭvajecca dla płatformaŭ Windows, Mac i Linux. Reliz Hybrid Wars zapłanavany na 2016 hod.
WG Labs — «łabaratoryja niestandartnych prajektaŭ», stvoranaja kampanijaj Wargaming. Raniej heta padraździaleńnie stała viadoma «adradžeńniem» kaśmičnaj stratehii Master of Orion.