Michaił Baryšnikaŭ padtrymaŭ Chiłary Klintan u prezidenckaj honcy
Znakamity tancor i akcior Michaił Baryšnikaŭ vystupiŭ u padtrymku kandydata ŭ prezidenty ZŠA ad Demakratyčnaj partyi Chiłary Klintan.
Baryšnikaŭ emihravaŭ z Savieckaha Sajuza ŭ 1974 hodzie: 26-hadovy tancoŭščyk Kiraŭskaha teatra paśla čarhovych hastrolaŭ admoviŭsia viarnucca ŭ SSSR i zastaŭsia žyć u Ńju-Jorku.
U videaroliku ŭ padtrymku Klintan Baryšnikaŭ papiaredziŭ vybarščykaŭ ab niebiaśpiecy, jakaja im, na jaho dumku, moža pahražać, kali pieramoža kandydat ad respublikancaŭ Donald Tramp.
«Sorak dva hady tamu ja pakinuŭ krainu, jakaja budavała ścieny, kab adpravicca tudy, dzie ich niama. Ale siońnia, budučy hramadzianinam ZŠA, ja ŭpieršyniu čuju rytoryku, jakaja nahadvaje mnie pra Saviecki Sajuz majoj maładości, dzie być inšym ličyłasia i pa-raniejšamu ličycca złačynstvam», — zajaviŭ jon.
Pavodle jaho słoŭ, Klintan zmoža pavieści krainu ŭ pravilnym kirunku i abaranić pravy ŭsich hramadzian.