U Rasii zatrymany padazravany ŭ kradziažy daroŭ z cudatvornaha abraza ŭ Synkavičach
Padazravany ŭ kradziažy daroŭ z cudatvornaha abraza Synkavickaha chrama zatrymany na terytoryi Rasii. Pra heta paviedamiŭ siońnia na bryfinhu načalnik UUS Hrodzienskaha abłvykankama Vadzim Siniaŭski.
U noč z 3 na 4 maja 2016 hoda nieviadomy prabraŭsia ŭnutr chrama ŭ vioscy Synkavičy Zelvienskaha rajona. Złamyśnik śpiłavaŭ kraty na aknie i vykraŭ šmatlikija dary, jakija ŭpryhožvali cudatvorny abraz Božaj Maci «Usiecaryca». Samu ikonu złačyniec nie kranuŭ.
«Padazravany ŭ złačynstvie vyjaŭleny. Jon zatrymany na terytoryi Rasii. Ciapier śledčymi orhanami, prakuraturaj płanujecca adpraŭka materyjałaŭ spravy ŭ Rasijskuju Fiederacyju dla pryciahnieńnia jaho da kryminalnaj adkaznaści», — adznačyŭ Vadzim Siniaŭski.
Carkva Śviatoha Michaiła ŭ vioscy Synkavičy — adna z najstarejšych. Pabudavany chram abarončaha typu ŭ XV stahodździ. Šyroka viadomaja carkva i dziakujučy cudatvornamu abrazu Božaj Maci «Usiecaryca».