Hanna Kanapackaja: Ja praviała hetuju kampaniju ad pieršaha da apošniaha dnia
Kandydatka ad Abjadnanaj hramadzianskaj partyi Hanna Kanapackaja pieramahła na vybarach u Pałatu pradstaŭnikoŭ 11 vieraśnia.
Karespandent Radyjo Svaboda źviazaŭsia sa spadaryniaj Kanapackaj.
«Usie kalehi ŭžo paśpieli mianie pavinšavać. Ciapier mnie vielmi ciažka sprahnazavać svoj zaŭtrašni pracoŭny raskład. Ale ja ciešusia, bo praviała vybarčuju kampaniju ad pačatku da apošniaha dnia hałasavańnia. My z paplečnikami stajali ŭ pikietach, viali ahitacyju. Ani raniej, ani padčas vybaraŭ ja nie chavała svajoj prynaležnaści da apazycyi», — skazała deputatka.
Jana dadała, što «adsutnaść prazrystych vybaraŭ pa-raniejšamu zastajecca łyžkaj dziohciu».