Tramp daŭ ukazańnie nie kamientavać chvarobu Klintan u niehatyŭnym klučy
Jak paviedamlaje CNN sa spasyłkaj na krynicy ŭ vybarčym štabie Trampa, respublikanski kandydat prainstruktavaŭ svaich pamočnikaŭ i ŭdzielnikaŭ pieradvybarčaj kampanii, kab jany nie pisali ničoha niehatyŭnaha pra chvarobu Klintan u sacyjalnych sietkach. Pa słovach surazmoŭcy telekampanii, u atačeńni Trampa vyrašyli z pavahaj pastavicca da hetaj situacyi.
CNN adznačaje, što sam Tramp, jaki vyrašyŭ admovicca ad pieradvybarčaj rytoryki ŭ svaim Twitter u hadavinu teraktaŭ 11 vieraśnia, zachavaŭ maŭčańnie i ŭ niadzielu, abmiežavaŭšysia paviedamleńniem u pamiać pra achviaraŭ napadu terarystaŭ.
Raniej 70-hadovy Tramp nie raz namiakaŭ na toje, što Klintan fizična nie hatovaja da taho, kab stać prezidentam ZŠA. Pry hetym abodva kandydaty asabliva nie raspaviadajuć pra svajo zdaroŭje.
Prezidenckija vybary projduć u ZŠA 8 listapada.