Daktary paćvierdzili, što kandydat u prezidenty ZŠA ad Demakratyčnaj partyi lečycca ad zapaleńnia lohkich ź piatnicy. Jana admianiła pieradvybarčaje turne, jakoje pavinna było startavać z zachadu ZŠA.
Asabisty doktar Klintan Lisa Bardak paviedamiła, što adrazu paśla pastanoŭki dyjahnazu ŭ piatnicu Chiłary Klintan byli vypisanyja antybijotyki.
U niadzielu joj stała kiepska na cyrymonii, pryśviečanaj 15-j hadavinie napadu na Suśvietny handlovy centr u Ńju-Jorku 11 vieraśnia 2001 hoda. Doktar patłumačyła drennaje samaadčuvańnie kandydata ŭ prezidenty abiazvodžvańniem.
Na kadrach, apublikavanych u tvitary, možna ŭbačyć, što Klintan nie moža ćviorda stajać na nahach i pamočniki litaralna pad ruki zanosiać jaje ŭ mikraaŭtobus.
U zajavie doktara havorycca, što pryčyna niedamahańnia kandydata ad demakrataŭ vyśvietlena, i palityk idzie na papraŭku.
Raniej kandydat ad respublikancaŭ Donald Tramp vykazvaŭ sumnievy z nahody stanu zdaroŭja svajho apanienta na vybarach.
Daktary Chiłary Klintan śćviardžajuć, što jana całkam adnaviłasia paśla apieracyi pa vydaleńni tromba, praviedzienaj u 2012 hodzie.
***
Razam z tym Chiłary Klintan źmianiła raskład svajoj pieradvybarnaj kampanii. U paniadziełak jana pavinna była adpravicca ź pieradvybarnym turne ŭ Kaliforniju i Nievadu, adnak pradstaŭnik štaba kandydata ad Demakratyčnaj partyi paviedamiŭ, što pajezdka na zachodniaje ŭźbiarežža ZŠA admieniena.
Kamientary