Hulni pravasłaŭnych patryjotaŭ
17—22 červienia na bazie Smarhonskaha pamiežnaha atradu projdzie vajenna‑patryjatyčny spartovy źlot pravasłaŭnaj moładzi.
U źlocie voźmuć udzieł 11 kamand pravasłaŭnaj moładzi ad usich japarchij Biełarusi, śviatary, adkaznyja za ŭzajemadziejańnie z uzbrojenymi siłami jeparchijalnych upraŭ BPC, i vajenasłužačyja Smarhonskaha pahraničnaha atrada.
Ciaham šaści dzion udzielniki naviedajuć miescy bajoŭ Pieršaj suśvietnaj, pamiežnuju zastavu «Łyntupy» i kamendaturu «Hudahaj», dzie aznajomiacca z umovami słužby i pobytu vajennych.
Aproč taho, aficery praviaduć zaniatki pa ahniavoj i strajavoj padrychtoŭcy, aznajomiać moładź z asablivaściami achovy dziaržaŭnaj miažy i historyjaj orhanaŭ pamiežnaj słužby.
Prahramaj źlotu praduhledžany medycynskaja i turystyčnaja padrychtoŭka, a taksama spartovaje šmatborje.
Zavieršycca źlot 22 červienia. U hety dzień u chramie Archistratyha Michaiła Smarhonskaha pamiežnaha atrada japiskap Lidzki i Navahradzki Huryj adsłužyć Liturhii, prymierkavanuju da hieraičnaha podźviha pamiežnikaŭ ŭ červieni 1941 h.