Miniust zarehistravaŭ Biełaruskuju fiederacyju honak ź pieraškodami
Ministerstva justycyi zarehistravała hramadskuju spartyŭnuju arhanizacyju (HSA) «Biełaruskaja fiederacyja honak ź pieraškodami», paviedamiła BiełTA pres-sakratar Miniusta Volha Muraškoŭskaja.
Siarod zadač arhanizacyi raźvićcio honak ź pieraškodami ŭ respublicy, pašyreńnie hieahrafii praviadzieńnia spabornictvaŭ, pavyšeńnie ŭzroŭniu majsterstva spartsmienaŭ, raźvićcio spartyŭnych suviaziaŭ i dziełavych kantaktaŭ sa spartsmienami ź inšych krain. HSA budzie pradstaŭlać intaresy jaje siabroŭ u adnosinach ź Mižnarodnaj fiederacyjaj honak ź pieraškodami, adpaviednymi fiederacyjami inšych krain, nacyjanalnym i mižnarodnym alimpijskimi kamitetami, orhanami dziaržaŭnaha kiravańnia fizičnaj kulturaj i sportam, orhanami dziaržaŭnaj ułady i kiravańnia.
Honka ź pieraškodami — vid aktyŭnaści, jaki ŭjaŭlaje ź siabie bieh, padčas jakoha nieabchodna pieraadolvać naturalnyja i štučnyja pieraškody.
Nahadajem, spabornictvy pa honkach ź pieraškodami «Bison Race» prajšli 19—20 listapada ŭ Respublikanskim harnałyžnym centry «Siličy». Hladzicie fotarepartaž Siarhieja Zinina:
Adkryjcie svaje tajemnyja instynkty: u Siličach startavali honki ź pieraškodami «Bison Race»
Fota Siarhieja Zinina.