Adkryjcie svaje tajemnyja instynkty: u Siličach startavali honki ź pieraškodami «Bison Race» FOTA
Heta davoli viasioły zaniatak, i asnoŭnaja masa ŭdzielnikaŭ pryjazdžaje siudy z zadavalnieńniem pravieści čas, adznačajuć arhanizatary. I nasamreč heta tak, paćviardžaje fatohraf Siarhiej Zinin.
Spabornictvy pa honkach ź pieraškodami «Bison Race» prachodziać z 19 pa 20 listapada ŭ Respublikanskim harnałyžnym centry «Siličy». Udzielniki zabiehaŭ pieraadolvajuć roznyja pryrodnyja i štučnyja pieraškody.
«Ekstrym bieh zaradziŭsia jašče na zołaku cyvilizacyi, kali čałavieku treba było ŭ litaralnym sensie zmahacca za svajo žyćcio, kab prakarmić i abaranić siabie», — adznačajuć arhanizatary spabornictvaŭ.
«Bison Race» — adzin z kvalifikacyjnych startaŭ da Čempijanatu śvietu, jaki adbudziecca ŭ kastryčniku 2017 ŭ Kanadzie.
Siońnia, 19 listapada, prajšli spabornictvy ŭ katehoryjach:
- elitny zabieh u mužčyn i žančyn,
- zabieh mužčynskich i žanočych uzrostavych hrup ad 16 da 29 hadoŭ,
- zabieh mužčynskich i žanočych uzrostavych hrup 30+.
U zabiehach udzielničała bolš za 200 spartsmienaŭ. Jany pryjechali z mnohich haradoŭ Biełarusi i Rasii. Vyniki «Bison Race» tut.
U indyvidualnym zabiehu daŭžynia trasy nie mienš za 8000 m, kolkaść pieraškod nie mienš za 30. U kamandnym — trasa nie mienš za 5000 m, pieraškod nie mienš za 25. Kamanda składajecca z 4 i bolš udzielnikaŭ, u joj pavinna być jak minimum adna žančyna .
Usie ŭdzielniki spabornictvaŭ na finišy atrymlivajuć pamiatnyja miedali. U elitnym zabiehu 1, 2, 3 miescy siarod mužčyn i žančyn ŭznaharodžvajucca miedalami i hrašovymi pryzami: 1 miesca — 500 rub., 2 miesca — 200 rub., 3 miesca — 100 rub.
Zaŭtra, 20 listapada, adbuducca dziciačy zabieh, da jakoha dapuskajucca dzieci va ŭzroście ad 4 pa 11 hadoŭ (pieramožcaŭ uznaharodziać kaštoŭnymi pryzami i miedalami) i kamandny zabieh. Pieramožcy kamandnaha zabiehu ŭznaharodžvajucca kaštoŭnymi siertyfikatami na ekipiroŭku Reebok na sumu 500, 300 i 200 rub. za 1, 2, 3 miesca adpaviedna.
Ciapier čytajuć
Aleksijevič: Adno z samych mocnych uražańniaŭ u žyćci — kali ja apynułasia ŭ natoŭpie ŭ 2020 hodzie14
Kamientary