Žonka mužčyny, udžalenaha skarpijonam, pryjšła ŭ «Jeŭraopt» i vyłaviła členistanohaje FOTA
Toj samy skarpijon.
Incydent, nahadajem, adbyŭsia 30 listapada. Mužčynu, jaki vybiraŭ banany ŭ kramie, u palec udžaliŭ skarpijon.
Paciarpiełaha špitalizavali ŭ reanimacyjnaje adździaleńnie haradskoj balnicy. Stan mužčyny byŭ stabilnym, u toj ža dzień jaho pieraviali ŭ inšaje adździaleńnie i nieŭzabavie vypisali z balnicy.
Jak paviedamiŭ TUT.BY načalnik Baranavickaj haradskoj vieterynarnaj stancyi Siarhiej Nikałajeŭ, złavić skarpijona zmahła žonka paciarpiełaha, jakaja viarnułasia ŭ kramu paśla incydentu. Heta byŭ skarpijon słabaatrutnaha vidu.
— Niedzie 5—7 sm ad končyka chvasta da končyka klušni. Mnie jaho pryviezła sanstancyja, ja pieradaŭ im nazad jaho, — paviedamiŭ načalnik vietstancyi.
Dzie ciapier znachodzicca skarpijon, nieviadoma. U baranavickim zanalnym centry hihijeny, epidemijałohii i hramadskaha zdaroŭja ad kamientaroŭ pa dadzienaj situacyi admovilisia.
Žonka paciarpiełaha, jakaja adłaviła skarpijona, taksama nie stała abmiarkoŭvać vypadak.