Bijatłanistka Nastaśsia Dubarezava spyniła siezon praź ciažarnaść
U hetym siezonie my nie pabačym jaje vystupaŭ.
Nastaśsia Kinunien (Dubarezava). Fota biathlonfans.com
«Nastaśsia Kinunien (Dubarezava) pakinuła kamandu paśla etapu ŭ Paklucy. Jaje ciapier u bolšaj stupieni pavinny turbavać inšyja, pryjemnyja dla žančyny pytańni, a nie bijatłon. Viadoma, heta niečakanaść… Ale, u rešcie rešt, žyćcio jość žyćcio», — skazaŭ starejšy trenier žanočaj zbornaj Biełarusi Fiodar Svaboda Sputnik.by.
U minułym siezonie Nastaśsia zaniała 50-je miesca ŭ ahulnym zaliku Kubka śvietu. Heta druhi vynik u biełaruskaj kamandzie paśla Nadziei Skardziny.