Kim Čen Yn zajaviŭ pra salidarnaść z Asadam u supraćstajańni z ZŠA
Lidar KNDR Kim Čen Yn salidarny z prezidentam Siryi Bašaram Asadam u supraćstajańni z ZŠA i maje namier akazvać «siabroŭskamu ŭradu i narodu» Arabskaj Respubliki padtrymku ŭ dasiahnieńni spraviadlivaści.
Pra heta havorycca ŭ vinšavalnaj telehramie, nakiravanaj paŭnočnakarejskim kiraŭnikom siryjskamu kalehu z nahody 71-j hadaviny niezaležnaści Siryi. Tekst pasłańnia apublikavała ahienctva CTAK, paviedamlajuć infarmahienctvy.
Reuters
U svaim pasłańni Kim Čen Yn asudziŭ niadaŭni avijaŭdar ZŠA z užyvańniem kryłatych rakiet «Tamahaŭk» pa aeradromie Šajrat u siryjskaj pravincyi Choms. Na jaho dumku, heta «nachabny fakt ahresii i vajennaje złačynstva».
Akramia taho, lidar KNDR nakiravaŭ Asadu «siabroŭskija i zachoplenyja vinšavańni i bajavoje pryvitańnie».
Raniej stała viadoma, što ŭłady Paŭnočnaj Karei majuć namier raźvivać adnosiny z Rasijaj dla sumiesnaha supraćstajańnia jeŭrapiejskich i amierykanskich sankcyj. Pra heta zajaviŭ namieśnik kiraŭnika pieršaha departamienta Jeŭropy MZS KNDR Kim Jon Cho.