Minfin: Na kampiensacyju savieckich układaŭ biełarusam spadziavacca nie varta
Spadziavacca na viartańnie stračanych savieckich układaŭ biełarusam nie varta. Ab hetym siońnia ŭ parłamiencie zajaviŭ namieśnik ministra finansaŭ Juryj Sielivierstaŭ.
Pavodle jaho słoŭ, pytańnie pieryjadyčna padymajecca na ŭzroŭni ŭrada. Ale hrošaj na viartańnie hetych układaŭ niama.
— Na žal, u 2011-2013 hadach my pieražyli čarhovyja devalvacyi, układy biełarusaŭ taksama abiascenilisia. Jość i strachavyja nakapleńni, jakija abiascenilisia, - pryznaŭ prablemu namieśnik ministra finansaŭ. - Ale ci jość u nas krynica, kab usio heta viarnuć hramadzianam. Davajcie, pakłaŭšy ruku na serca, skažam, što nie. Viarnuć tyja hrošy z savieckich časoŭ niemahčyma.
Apošni raz zakanadaŭča abiacali viarnuć stračanyja savieckija ŭkłady ŭ 1998 hodzie. Dziejańnie taho ukaza ŭžo skončyłasia, novych dakumientaŭ nie prymałasia.
- Tak mnie tak i skazać vybarščykam, što spadziavacca na kampiensacyju nie varta? - udakładniła deputat Hanna Kanapackaja.
— Tak, tak i skazać, — adkazaŭ Juryj Sielivierstaŭ.