Aŭstralijski rehbist pamior padčas matča
Rehbist aŭstralijskaha kłuba «Uorynh» pamior ad traŭmaŭ, atrymanych padčas matča nacyjanalnaha čempijanatu z «Hordanam». Pra heta paviedamlajuć infarmahienctvy sa spasyłkaj na The Guardian.
«Śmierć nastupiła ŭ vyniku incydentu, što paciahnuła traŭmy, niesumiaščalnyja z žyćciom», — havorycca ŭ paviedamleńni kłuba «Uorynh».
Miedyki vybiehli na pole adrazu paśla incydentu, ale nie zdoleli vyratavać 25-hadovaha spartoŭca, imia jakoha nie nazyvajecca. Charaktar paškodžańniaŭ, atrymanych rehbistam, taksama nie raskryvajecca.
Adznačajecca, što ŭsie matčy, jakija pavinny byli adbycca na stadyjonie «Ret Park» — chatniaj arenie kłuba «Uorynh», admienienyja.
Letam 2014 hoda 17-hadovy navaziełandski rehbist Džordan Kiemp pamior z-za traŭmy hałavy, atrymanaj padčas matču pamiž kamandami «Otamatea» i «Maryst».