Žychar Žłobina spaliŭ siabie, bo nie moh vypłačvać kredyt
Sproba dapamahčy dzieciam nabyć žyllo skončyłasia trahična.
Siamiejnaja para sa Žłobina ŭziała kredyt, kab dapamahčy dzieciam pabudavać kvateru. Spačatku siamja z kredytam spraŭlałasia, adnak paśla situacyja pahoršyłasia: płacić z pracentami prychodziłasia bolš, čym siamja zarablała.
Suma bankaŭskaha kredytu razam z pracentami pieravysiła 120 miljonaŭ starymi hrašyma (12 tysiač novymi), paviedamlaje gomel.today sa spasyłkaj na miascovuju hazietu «Novy dzień».
U vyniku, znachodziačysia ŭ stanie ałkaholnaha apjanieńnia, muž abliŭ siabie bienzinam i padpaliŭ. Jaho dastavili ŭ lakarniu z apiokami 80% cieła, daktary niekalki dzion sprabavali vyratavać jamu žyćcio, adnak sproby akazalisia niaŭdałymi — mužčyna pamior.