Ad zaŭtra na cyharetach abaviazkova buduć źmiaščać strašnyja karcinki pra škodu kureńnia
Impatencyja, hanhrena, pakutlivaja śmierć — hetyja i jašče dzieviać strašnych karcinak z 15 listapada buduć drukavacca na pačakach cyharet u abaviazkovym paradku.
Pieršyja takija ŭpakoŭki źjavilisia na biełaruskim rynku jašče ŭ vieraśni 2016 hoda. Ale novymi praviłami kiravalisia nie ŭsie vytvorcy Jeŭrazijskaha ekanamičnaha sajuza, ciapier da hetaha pryjduć usie biez vyklučeńniaŭ.
Staryja partyi cyharet mohuć znachodzicca ŭ prodažy da ich poŭnaj realizacyi.
«Zhodna z techničnym rehłamientam na tytuniovuju pradukcyju, karcinki z papiaredžańniem pavinny zajmać 50% vierchniaj častki pački na adnym baku i 50% nižniaj častki na advarotnym, — patłumačyli «NN» u pradstaŭnictvie «Brytyš Amierykan Tabaka» u Biełarusi. — Usiaho ŭ Jeŭrazijskim ekanamičnym sajuzie zaćvierdžanyja 12 roznych malunkaŭ z vyjavaj nastupstvaŭ škodnaj zvyčki. Taksama pa novych praviłach na baku pački pavinny znachodzicca nastupny nadpis: «Źmiaščaje sistemnyja jady, kancerahiennyja i mutahiennyja rečyvy».
Prykład upakoŭki, zroblenaj pa novych praviłach.
Infarmacyju ab kolkaści ŭtrymańnia smały i nikacinu ŭ tytuniovych vyrabach na ŭpakoŭcy ŭkazvać zabaroniena.